Po. Për çdo pagesë që punëdhënësi bën për praktikantët – edhe nëse janë persona fizikë jo-afaristë – duhet të mbahet tatimi në burim në paga si dhe të paguhen kontributet pensionale. Ligji i trajton këto raste njësoj si për të punësuarit e zakonshëm.

Nëse praktikantët nuk paguhen fare, atëherë nuk ka obligim për mbajtje të tatimit apo pagesë kontributesh.
Megjithatë: duhet të ekzistojë një marrëveshje me shkrim që dëshmon se praktika është pa kompensim. Kjo shërben si provë në rast inspektimi nga ATK ose institucionet tjera përkatëse.

Për praktikantët me pagesë, punëdhënësi duhet të mbajë:

• 5% Tatim në burim në paga për shumën e paguar;
• 5% Kontributi pensional i punëdhënësit dhe
• 5% Kontributi pensional i punëtorit (nga paga e tij).

Këto mbajtje janë të detyrueshme sipas ligjit të tatimit dhe ligjit për skemat pensionale.

Në rast se praktikanti paguhet, ai duhet të regjistrohet si punonjës në formularin e deklarimit të pagave në EDI dhe t’i atribuohen kontributet dhe tatimet përkatëse. Nëse praktika është vullnetare dhe pa pagesë, nuk ka nevojë për deklarim tatimor por vetëm për mbajtje të dokumentacionit të marrëveshjes.