| Nr. | Vlera e Transaksionit në € | Kompensimi në € |
|---|---|---|
| 1. | 0.01 € - 2,500.00 € | 15.00 € |
| 2. | 2,501.00 € - 5,000.00 € | 20.00 € |
| 3. | 5,001.00 € - 10,000.00 € | 30.00 € |
| 4. | 10,001.00 € - 20,000.00 € | 40.00 € |
| 5. | 20,001.00 € - 40,000.00 € | 50.00 € |
| 6. | 40,001.00 € - 60,000.00 € | 60.00 € |
| 7. | 60,001.00 € - 80,000.00 € | 70.00 € |
| 8. | 80,001.00 € - 100,000.00 € | 80.00 € |
.png)
Sipas "Nenit 28", i punësuari i cili punon më gjatë se katër (4) orë, dhe më pak se gjashtë (6) orë në ditë, ka të drejtë për pushim gjatë punës në kohëzgjatje prej pesëmbëdhjetë (15) minutash. I punësuari nën moshën tetëmbëdhjetë (18) vjeçare i cili punon më së paku katër (4) orë e tridhjetë (30) minuta, ka të drejtë në pushim ditor në kohëzgjatje prej tridhjetë (30) minutash.
Koha e pushimit nga paragrafi 1. dhe 2. i këtij neni, konsiderohet si kohë e kaluar në punë.
"Neni 24" përcakton se ndarjen e orarit të punës në kuadër të javës së punës e përcakton punëdhënësi. Java e punës mund të organizohet ndryshe në raste të veçanta, si puna me ndërrime, natën, ose kur natyra e punës e kërkon një gjë të tillë. Punëdhënësi është i detyruar t'i informojë të punësuarin për ndarjen dhe ndryshimin e orarit të punës së paku shtatë (7) ditë para fillimit të punës.
Sipas "Nenit 25", punëdhënësi mund ta ndryshojë orarin e punës kur e kërkon natyra e punës, si organizimi i punës, shfrytëzimi racional i mjeteve të punës, shfrytëzimi racional i orarit të punës dhe kryerja e ndonjë pune të caktuar dhe të parashikuar me afat. Ndryshimi i orarit të punës bëhet në mënyrë që orari i punës i të punësuarit gjatë vitit kalendarik, të mos jetë më i gjatë se orari i plotë i punës.
Sipas "Nenit 26", ndalohet zgjatja e orarit të punës për të punësuarin i cili është më i ri se tetëmbëdhjetë (18) vjeç. Po ashtu, punëdhënësi nuk mund të bëjë zgjatjen e orarit të punës për të punësuarën gjatë kohës së shtatzënisë, dhe prindin vetushqyes me fëmijë më të ri se tri (3) vjeç, ose me fëmijë të hendikepuar.
"Orari i plotë i punës" sipas nenit 20 përcakton periudhën kohore gjatë së cilës punësuesi kryen punë ose shërbime, dhe kufizohet në dyzet (40) orë në javë, nëse nuk është përcaktuar ndryshe.
Orari jo i plotë i punës, sipas nenit 21, është orar pune më i shkurtër sesa orari i plotë i punës, dhe marrëdhënia e punës mund të themelohet me një orar të tillë në kohë të caktuar dhe të pacaktuar. I punësuari i cili punon me orar jo të plotë gëzon të drejtat dhe detyrimet e një punësuesi me orar të plotë, në proporcion me orët e punës që ka kryer.
"Orari i shkurtuar i punës" sipas nenit 22 caktohet për punët dhe detyrat për të cilat, pavarësisht masave mbrojtëse, punëtori nuk mund të mbrohet nga ndikimet e dëmshme për shëndetin e tij. Orari shkurtohet në përpjesëtim me rrezikshmërinë e punës, dhe kufizohet në njëzet (20) orë në javë për punët me shkallë të lartë të rrezikshmërisë.
Reduktimi i orarit të shkurtuar të punës mund të bëhet më së shumti deri në 20 orë në javë, dhe kriteret për këtë përcaktohen nga organi kompetent në bazë të analizës profesionale, ligjit, Kontratës Kolektive dhe Aktit të Brendshëm të Punëdhënësit.
| Nr. | Vlera e kërkesës në euro | Tarifa për administrimin e lëndës dhe lejimin e përmbarimit |
|---|---|---|
| 1. | 1 001 deri 2000 euro | 95 euro duke ia shtuar 5% të vlerës së kërkesës kryesore kur e tejkalon shumën prej 1 000 euro |
| 2. | 2 001 deri 3 000 euro | 115 euro duke ia shtuar 4.5% të vlerës së kërkesës kryesore kur e tejkalon shumën prej 2 000 euro |
| 3. | 3 001 deri 5 000 euro | 135 euro duke ia shtuar 4% të vlerës së kërkesës kryesore kur e tejkalon shumën prej 3 000 euro |
| 4. | 5 001 deri 10 000 euro | 155 euro duke ia shtuar 3% të vlerës së kërkesës kryesore kur e tejkalon shumën prej 5 000 euro |
| 5. | 10 001 deri 15 000 euro | 175 euro duke ia shtuar 2% të vlerës së kërkesës kryesore kur e tejkalon shumën prej 10 000 euro |
| 6. | 15 001 deri 25 000 euro | 195 euro duke ia shtuar 1% të vlerës së kërkesës kryesore kur e tejkalon shumën prej 15 000 euro |
| 7. | 25 001 deri 40 000 euro | 215 euro duke ia shtuar 0.5% të vlerës së kërkesës kryesore kur e tejkalon shumën prej 25 000 euro |
| 8. | 40 001 deri 60 000 euro | 235 euro duke ia shtuar 0.4% të vlerës së kërkesës kryesore kur e tejkalon shumën prej 40 000 euro |
| 9. | 60 001 deri 100 000 euro | 265 euro duke ia shtuar 0.2% të vlerës së kërkesës kryesore kur e tejkalon shumën prej 60 000 euro |
| 10. | 100 001 deri 200 000 euro | 285 euro duke ia shtuar 0.1% të vlerës së kërkesës kryesore kur e tejkalon shumën prej 100 000 euro |
| 11. | mbi 200 000 euro | 305 euro duke ia shtuar 0.1% të vlerës së kërkesës kryesore kur e tejkalon shumën prej 200 000 euro |
| Nr. | Veprimi i ndërmarrë | Shuma |
|---|---|---|
| 1. | Kopjimi plotësues i shkresave | 0,1 euro për faqe |
| 2. | Kopjimi i dokumentit personal | 0,1 euro për faqe |
| 3. | Shkuarja deri te vendi i përmbarimit (jo me transport nga palët) nëse vendi është më larg se 5 km nga selia e përmbaruesit | 0,30 euro për km, por jo me shumë se 30 euro për një lëndë |
| 4. | Kërkesa për të dhëna për pasurinë e debitorit | 10 euro për kërkesë, por jo më shumë se 30 euro për të gjitha kërkesat |
| 5. | Kërkesa për të dhëna nga organi kompetent për identitetin dhe adresën e debitorit | 10 euro, por jo më shumë se 30 euro për të gjitha kërkesat |
| 6. | Dërgimi i shkresave të cilat dalin në kuadër të punës së përmbaruesit privat, rastet kur dorëzimin e kryen përmbaruesi | 5 euro për dërgesë |
| 7. | Dërgimi i shkresave të cilat dalin në kuadër të punës së përmbaruesit privat, rastet kur dorëzimi kryhet në formë elektronike | 1 euro për dërgesë |
| 8. | Dërgimi i shkresave gjyqësore dhe shkresave të organeve të tjera administrative dhe institucioneve publike | 10 euro për dërgesë |
| 9. | Përpilimi i konkluzionit | 15 euro |
| 10. | Përpilimi i konkluzionit për shitjen | 30 euro |
| 11. | Urdhri (përjashtimisht urdhrit për lejimin e përmbarimit) | 20 euro, nese ka me shume debitor, pas debitorit të parë arketohet edhe 10 euro për secilin debitor, por jo me shumë se 50 euro për lëndë |
| 12. | Urdhri për shitje, urdhri për dorëzim të sendeve të luajtshme dhe të paluajtshme, urdhri për shënimin e përmbarimit | 30 euro, nëse ka më shume debitor, pas debitorit të parë arkëtohet edhe 10 euro për secilin debitor, por jo me shumë se 50 euro për lëndë |
| 13. | Përpilimi i kërkesës | 10 euro (vetëm kur këto të dhëna nuk janë të disponueshme në mënyrë elektronike) |
| 14. | Përpilimi i procesverbalit | 15 euro |
| 15. | Përpilimi i procesverbalit të shitjes së paluajtshmërive, regjistrimit, sekuestrimit dhe shitjes së sendeve të luajtshme | 30 euro |
| 16. | Përpilimi i shënimit zyrtar | 10 euro |
| 17. | Pjesëmarrja në shitjen publike dhe ndërmarrja e veprimeve të zbatimit të përmbarimit jashtë zyrës | 40 euro |
| 18. | Shikimi i sendeve të luajtshme dhe të paluajtshme | 15 euro |
| 19. | Lëshimi i vërtetimeve dhe certifikatave nga lënda në të cilën vepron përmbaruesi privat | 5 euro për kërkesë |
| 20. | Taksa gjyqësore dhe administrative | Në shumën reale |
| 21. | Shpenzimet reale të krijuara me rastin e ndërrmarjes së veprimeve përmbarimore | Në shumën reale |
| 22. | Kryerja e veprimeve përmbarimore në pajtim me nenet 282-289 të LPP-së | 100 euro për orën e parë, 50 euro për çdo orë shtesë pas kalimit të orës fillestare, 1% e vlerës së objektit të përmbarimit në rastet kur përmbarimi kryhet me sukses |
Sipas Nenit 4, përmbaruesit privat do të paguhen me tarifat për administrimin e lëndës, lejimin e përmbarimit (të parapara në Tabelën 1) dhe tarifat për veprimet e ndërmarra (të parapara në Tabelën 2).
.png)
Nëse pala nuk paraqet ankesë brenda afatit ligjor, aktgjykimi bëhet i formës së prerë.
Pala kundërshtare ka të drejtë të përgjigjet në ankesë. Afati për përgjigje në ankesë është 7 ditë nga dorëzimi i ankesës palës kundërshtare sipas nenit 187. Në kontestet tregtare, ky afat është 3 ditë.
Gjykata, pas pranimit të ankesës nga pala, mund ta hedhë atë nëse konsiderohet e paafatshme, jo e plotë, ose e palejueshme sipas nenit 186.
Kundër aktgjykimit, pala e pakënaqur mund të paraqesë ankesë në Gjykatën e Apelit përmes Gjykatës Themelore sipas nenit 176. Ankesa mund të paraqitet brenda 15 ditëve pas dorëzimit të aktgjykimit palëve. Nëse nuk bëhet ankesë brenda afatit ligjor, aktgjykimi bëhet i formës së prerë.
Pas përfundimit të shqyrtimit kryesor, gjykata nxjerr vendim përfundimtar brenda 15 ditëve, i cili mund të jetë aktgjykim ose aktvendim. Me aktgjykim, gjykata vendos për çështjen kryesore dhe kërkesat aksesore, ndërsa me aktvendim vendos për pengim posedimin, procedurën përmbarimore dhe çështjet e shpronësimit të pronës së paluajtshme.
Seanca për shqyrtim kryesor fillon me hapjen e seancës nga gjyqtari i çështjes. Gjyqtari deklaron objektin e shqyrtimit, verifikon paraqitjen e të ftuarve dhe konstaton shkaqet e mosparaqitjes në seancë. Në rast se nuk vjen i padituri, shqyrtimi vazhdon vetëm me palën paditëse sipas nenit 423.4.
Në seancën përgatitore, gjykata me aktvendim e cakton seancën kryesore sipas nenit 420. Ftesa për seancën kryesore palëve mund t’u komunikohet drejtpërdrejtë përmes procesverbalit të seancës përgatitore apo me ftesa të veçanta, të cilat duhet t’u dërgohen së paku 7 ditë para mbajtjes së seancës kryesore.
Seanca përgatitore fillon me prezantimin e padisë dhe përgjigjes në padi nga i padituri. Palët deklarohen rreth pretendimeve të tyre dhe bëjnë propozimet për sigurimin e provave, duke përfshirë dëgjimin e dëshmitarëve etj. Gjatë kësaj seance, palët mund ta zgjidhin kontestin e tyre përmes pajtimit gjyqësor ose procedurës së ndërmjetësimit.
Gjykata, gjyqtari i caktuar, fillon shqyrtimin paraprak të padisë, duke verifikuar legjitimitetin e palëve dhe rregullsinë e padisë, duke përfshirë vërtetimin e pagesës së taksës gjyqësore sipas nenit 253.4. Nëse padia është e rregullt dhe e plotë, gjykata e dërgon të paditurit për përgjigje në padi brenda 15 ditëve.
Zyra për Menaxhimin e Lëndëve (ZML) regjistron dhe formon lëndën, e cila ia caktohet numrin identifikues. Caktimi i lëndës tek gjyqtari bëhet përmes shortit, një proces që realizohet me mjete elektronike dhe sipas një shorti të përcaktuar për këtë qëllim.
Pas dorëzimit të padisë në zyrën e pranimit, ajo protokollohet dhe pastaj dërgohet në Zyrën për Menaxhimin e Lëndëve (ZML). Në ZML, lënda regjistrohet, formohet, dhe i caktohet një numër identifikues.
I punësuari ka të drejtë të marrë pagën e caktuar në vendin e punës paraprak, nëse është më e lartë sesa ajo e vërtetuar nga punëdhënësi aktual në këtë periudhë përkohore.
I punësuari është i detyruar t'i kryejë punët e caktuara në këto raste derisa të ekzistojnë këto rrethana, për një periudhë më së shumti deri në tridhjetë (30) ditë pune.
I punësuari mund të sistemohet përkohësisht në punë dhe detyra tjera pa pëlqimin paraprak, kur ndodh gjendje e jashtëzakonshme si pasojë e tërmetit, zjarrit, vërshimeve ose fatkeqësive tjera natyrore elementare, kur ka nevojë për zëvendësim të punësuarit që mungon nga puna, kur ka rritje të menjëhershme të vëllimit të punës (por jo më shumë se tridhjetë (30) ditë pune), ose në raste të tjera të caktuara me Kontratë Kolektive.
E punësuara gjatë kohës së shtatzënisë, pushimit të lehonisë, e punësuara me fëmijë deri në moshën tri (3) vjeç, prindi i vetëm me fëmijë nën moshën pesë (5) vjeç, prindi i punësuar me fëmijë me pengesa të rënda në zhvillim, i punësuari nën moshën tetëmbëdhjetë (18) vjeç si dhe i punësuari me aftësi të kufizuara, nuk mund të sistemohen jashtë vendbanimit të tyre pa pëlqimin e tyre.
Po, në rast të nevojës për ristrukturim apo organizim të ri të punës, i punësuari mund të sistemohet në vend tjetër të punës që i përgjigjet përgatitjes profesionale, aftësisë së tij dhe nivelit të njëjtë të pagës, në pajtim me Kontratën e Punës.
I punësuari caktohet në vendin e punës për të cilin ka lidhur Kontratë Pune.
Punë praktike e praktikantit me përgatitje pasuniversitare, universitare dhe të lartë mund të zgjasë më së shumti një (1) vit, ndërsa puna praktike e praktikantit me shkollim të mesëm mund të zgjasë më së shumti gjashtë (6) muaj.
Praktikanti në cilësinë e punësuarit i realizon të gjitha të drejtat dhe detyrimet nga marrëdhënia e punës sikurse të punësuarit e tjerë.
Punëdhënësi mund të lidhë Kontratë Pune me praktikantin.
Puna provuese mund të zgjasë më së shumti gjashtë (6) muaj, dhe gjatë kësaj periudhe, punëdhënësi dhe të punësuarit mund ta ndërpresin marrëdhënien e punës me njoftim paraprak prej shtatë (7) ditësh.
Puna provuese përcaktohet me Kontratën e Punës.
Në qoftë se i punësuari nuk fillon punën në ditën e caktuar me Kontratën e Punës, konsiderohet se nuk ka themeluar marrëdhënie pune, përveç në qoftë se është penguar për të filluar punën për shkaqe të arsyeshme, ose në qoftë se punëdhënësi dhe i punësuari merren vesh ndryshe.
I punësuari fillon punën në ditën e përcaktuar me Kontratën e Punës.
Nëse i punësuari refuzon bartjen e kontratës së punës ose nuk deklarohet në afatin prej pesë (5) ditësh nga dita e marrjes së njoftimit, punëdhënësi paraprak mund t'i shkëpusë kontratën e punës të punësuarit.
Punëdhënësi paraprak është i obliguar, në formë të shkruar, t'i informojë të gjithë të punësuarit për bartjen e detyrimeve dhe përgjegjësive tek punëdhënësi i ardhshëm.
Punëdhënësi paraprak është i obliguar t'i informojë të punësuarit e tij për të drejtat dhe detyrimet nga Kontrata Kolektive dhe Kontrata e Punës, të cilat bartën te punëdhënësi i ardhshëm.
Në rast të ndërrimit statusor ose të ndërrimit të punëdhënësit, punëdhënësi i ardhshëm i merr përsipër të gjitha detyrimet dhe përgjegjësitë nga marrëdhënia e punës, sipas Kontratës Kolektive dhe kontratave individuale të punës.
Vazhdimi i punësimit nga i punësuari nuk konsiderohet si ndërprerje nga intervali kohor prej përfundimit të punësimit deri te rifillimi i serishëm i punësimit, dhe ky interval kohor nuk mund të kalojë dyzetepesë (45) ditë pune.
Vazhdimi i punësimit të të punësuarit nuk konsiderohet si ndërprerje e marrëdhënies së punës në rastet e mëposhtme:
1.1. Pas shfrytëzimit të pushimit vjetor, pushimit mjekësor, pushimit të lehonisë, ose çfarëdo pushimi tjetër të marrë në përputhje me ligjin.
1.2. Pas suspendimit nga vendi i punës me ose pa pagesë, në përputhje me ligjin.
1.3. Ndërmjet ndërprerjes së kontratës së punës dhe datës së rikthimit efektiv sipas vendimit të gjykatës ose organit të ngjashëm në përputhje me këtë ligj.
1.4. Me pëlqimin e punëdhënësit.
Po, kushtet dhe kriteret e punësimit për shtetasit e huaj dhe personat pa shtetësi përcaktohen nga ligji i veçantë për punësimin e tyre dhe sipas konventave ndërkombëtare.
Shtetasit e huaj dhe personat pa shtetësi mund të themelojnë marrëdhënie pune sipas këtij ligji, nën kushtet dhe kriteret e përcaktuara me ligj të veçantë për punësimin e shtetasve të huaj dhe sipas konventave ndërkombëtare.
Konkursi duhet të jetë i barabartë për të gjithë kandidatët e synuar, pa asnjë lloj diskriminimi, sipas parashikimeve të këtij ligji dhe aktet tjera në fuqi.
Punëdhënësi në sektorin publik është i obliguar që të shpallë konkurs publik çdo herë që pranon një punëmarrës dhe themelon një marrëdhënie të punës.
Sistemimi i punëve të lehta dhe të ndaluara për personat nën moshën tetëmbëdhjetë (18) vjeç rregullohet me akt nënligjor të nxjerrë nga Ministria.
Për pagesën e kontributeve dhe detyrimeve tjera ligjore, punëdhënësi është i detyruar që të punësuarin t’a lajmërojë në Administratën Tatimore të Kosovës, si dhe në institucionet e tjera që menaxhojnë skemat e obligueshme pensionale dhe skemat e tjera të obligueshme.
Po, asnjë punëdhënës nuk mund të lidhë kontratë pune me ndonjë person nën moshën pesëmbëdhjetë (15) vjeç.
Po, marrëdhënia e punës mund të themelohet edhe me personat në mes të moshës pesëmbëdhjetë (15) deri në tetëmbëdhjetë (18) vjeç, për punë të lehta që nuk paraqesin rrezik për shëndetin ose zhvillimin e tyre, dhe nëse ajo punë nuk është e ndaluar me ndonjë ligj ose akt nënligjor.
Marrëdhënia e punës mund të themelohet me çdo person prej moshës tetëmbëdhjetë (18) vjeç.
.png)
Norma tatimore Të ardhurat mujore në € Të ardhurat vjetore në €
0% 0 deri 80 0 deri 960
4% 80 deri 250 960 deri 3000
8% 250 deri 450 3000 deri 5400
10% 450 e tutje 5,400 e tutje
Tatimpaguesit me të ardhura bruto vjetore mbi 50,000€ dhe ata të cilët kanë përzgjedhur vullnetarisht të tatohen në të ardhura reale, tatohen sipas shkallëve tatimore të lartcekura, ndërsa tatimpaguesit me të ardhura bruto vjetore prej 50,000€ apo më pak, tatohen në të ardhurat bruto me 3% (për veprimtaritë: tregti, transport, bujqësi dhe veprimtari të ngjashme komerciale) apo 9% (për veprimtaritë: shërbyese, profesionale, të zanatit, të argëtimit dhe të ngjashme). Përveç tatimit, këta tatimpagues (të vetëpunësuar) obligohen të paguajnë edhe Kontributin Pensional.
Pagat e të punësuarve nga punëdhënësi primar tatohen sipas shkallëve tatimore (0%; 4%; 8% dhe 10%), ndërsa pagat e të punësuarve nga punëdhënësi sekondar tatohen me 10%.
Secili i punësuar, shtetas i Kosovës obligohet që nga paga bruto të paguaj 5% në emër të Kontributit Pensional. Po ashtu, punëdhënësi kryesor dhe ai sekondar për të punësuarit të cilët janë shtetas të Kosovës, kontribuon me 5% mbi pagën bruto të të punësuarit në emër të kontributit pensional.