Nëse do t'ju pyesja: Cila është arma që ka bërë më shumë viktima?

 Juristi Vigan Qorrolli në një postim në facebook ka shpjeguar 5 arsyet pse Kurti mund të kandidoj për deputet.

Në vazhdim e gjeni të plotë postimin e tij:

 

Gjykata Kushtetuese e ka shpallur aktvendimin për votën e deputetit Etem Arifit.

Më poshtë e keni vendimin e plotë:

Vendimet nga seanca shqyrtuese e mbajtur më 21 dhjetor 2020

Në seancën shqyrtuese të mbajtur më 21 dhjetor 2020, Gjykata Kushtetuese e Republikës së Kosovës shqyrtoi kërkesën: 1. KO 95/20. Më poshtë mund të lexoni përmbledhjen e shkurtër të vendimit (teksti i plotë i vendimit do t’u dorëzohet palëve, do të publikohet në ueb-faqen e Gjykatës dhe në Gazetën Zyrtare gjatë ditëve në vijim):

1. Lënda: KO 95/20

            Parashtrues: Liburn Aliu dhe 16 deputetë të tjerë të Kuvendit të Republikës së

            Kosovës

Objekt i çështjes së kërkesës ishte vlerësimi i kushtetutshmërisë së Vendimit të Kuvendit të Republikës së Kosovës nr. 07/V-014, të 3 qershorit 2020, për Zgjedhjen e Qeverisë së Republikës së Kosovës, për të cilin pala parashtruese pretendonte se nuk është në pajtueshmëri me paragrafin 3 të nenit 95 [Zgjedhja e Qeverisë], në lidhje me nënparagrafin 6 të paragrafit 3, të nenit 70 [Mandati i Deputetëve] të Kushtetutës së Republikës së Kosovës.

Kërkesa bazohej në paragrafin 5 të nenit 113 [Juridiksioni dhe Palët e Autorizuara] të Kushtetutës, në nenet 42 [Saktësimi i kërkesës] dhe 43 [Afatet] të Ligjit nr. 03/L-121 për Gjykatën Kushtetuese, si dhe në rregullin 74 [Kërkesa në pajtim me nenin 113.5 të Kushtetutës dhe me nenet 42 dhe 43 të Ligjit] të Rregullores së punës së Gjykatës Kushtetuese.

PËRFUNDIME

1. Me datat 28 mars dhe 20 gusht 2019, Etem Arifi ishte dënuar me Aktgjykim të formës së prerë të Gjykatës së Apelit, me një vit e tre muaj burgim. Më 6 tetor 2019, u mbajtën zgjedhjet e parakohshme për Kuvendin e Republikës së Kosovës. Etem Arifi kandidoi dhe u zgjodh deputet i Kuvendit të Republikës së Kosovës. Më 27 nëntor 2019, KQZ certifikoi rezultatin e zgjedhjeve dhe në listën e deputetëve të certifikuar ishte edhe Etem Arifi. Më 26 dhjetor 2o19, u mbajt mbledhja konstituive e Kuvendit ku u konfirmua mandati i Etem Arifit. Që nga ajo kohë, Etem Arifi vazhdoi të ushtronte funksionin e deputetit, edhe pse ndaj tij rëndonte një dënim gjyqësor i formës së prerë, për një vepër penale, me një vit e tre muaj burgim.

• Në këtë kërkesë kushtetuese, 17 deputetë të Kuvendit të Republikës së Kosovës kontestuan kushtetutshmërinë e Vendimit të Kuvendit të Republikës së Kosovës nr. 07/V-014, për zgjedhjen e Qeverisë, të nxjerrë më 3 qershor 2020. Parashtruesit pretendojnë se Vendimi në fjalë është në kundërshtim me Kushtetutën, përkatësisht me paragrafin 3 të nenit 95 [Zgjedhja e Qeverisë], në lidhje me nënparagrafin 6 të paragrafit 3 të nenit 70 [Mandati i Deputetëve] të Kushtetutës. Kjo sepse, sipas parashtruesve, në procedurën e votimit të Vendimit të kontestuar ka marrë pjesë edhe Etem Arifi, vota e të cilit ishte e pavlefshme për shkak të dënimit të tij me një vit e tre muaj burgim, me vendim gjyqësor të formës së prerë.

• Gjykata vlerëson se, çështja themelore që ngërthen kjo kërkesë është se a kishte pasur mandat të vlefshëm Etem Arifi në kohën e nxjerrjes në Kuvend të Vendimit të kontestuar për zgjedhjen e Qeverisë (në votimin e të cilit ai kishte marrë pjesë).

• Në lidhje me këtë çështje, Gjykata mori parasysh: përgjigjet e dorëzuara nga shtetet anëtare të Forumit të Komisionit të Venecias, qëndrimet e Komisionit të Venecias; si dhe praktikën e mëhershme të Kuvendit të Republikës së Kosovës, për situata të ngjashme.

• Për sa i përket dispozitave kushtetuese dhe ligjore në Republikën e Kosovës, që i japin përgjigje çështjeve të ngritura nga kjo kërkesë, Gjykata gjeti se:

• Neni 71.1 i Kushtetutës, në ndërlidhje me nenin 29.1(q) të Ligjit për Zgjedhjet e Përgjithshme, përcakton se asnjë person nuk mund të jetë kandidat për deputet për zgjedhjet për Kuvend, nëse është dënuar për vepër penale me vendim gjyqësor të formës së prerë në tri vitet e fundit;

• neni 70.3 (6) i Kushtetutës përcakton se mandati i deputetit mbaron ose bëhet i pavlefshëm nëse ai/ajo dënohet me vendim gjyqësor të formës së prerë, me një ose më shumë vite burgim. Ky përcaktim kushtetues përforcohet edhe me nenin 8.1.6 të Ligjit për të Drejtat dhe Përgjegjësitë e Deputetit, nenin 112.1.a të Ligjit për Zgjedhjet e Përgjithshme, si dhe nenin 25.1.d të Rregullores së Kuvendit;

• Gjykata konsideron se, për sa i përket të drejtës për kandidim në zgjedhje parlamentare, nenet 45, 55 dhe 71.1 të Kushtetutës duhet lexuar në mënyrë të ndërlidhur. Kështu, neni 45 i Kushtetutës flet përgjithësisht për të drejtat zgjedhore, duke përcaktuar në mënyrë të përgjithësuar se ato mund të kufizohen me vendime gjyqësore, kurse neni 55 përcakton kushtet kumulative në bazë të të cilave mund të kufizohen të drejtat e njeriut të garantuara me Kushtetutë. Ndërsa neni 71 i Kushtetutës – i cili flet ekskluzivisht për “kualifikimet” për të kandiduar për deputet të Kuvendit – përcakton se secili shtetas i Republikës së Kosovës i cili është tetëmbëdhjetë vjeç ose më i madh dhe përmbush kriteret ligjore, mund të jetë kandidat për deputet.  Këto “kriteret ligjore”, të cilave iu referohet neni 71 i Kushtetutës, i përcakton Ligji për Zgjedhjet e Përgjithshme, i cili në nenin 29.1 (q) thekson qartë dhe shprehimisht se asnjë person nuk mund të jetë kandidat për deputet për zgjedhje për Kuvend, nëse është dënuar për vepër penale me vendim gjyqësor të formës së prerë në tri vitet e fundit. Ky përcaktim kushtetues dhe ligjor është në linjë edhe me praktikën që ndiqet nga shumë vende demokratike, siç vërehet edhe nga dokumentet përkatëse të Komisionit të Venecias, si dhe nga përgjigjet e vendeve anëtare të Forumit të Komisionit të Venecias.

• Gjykata thekson se normat e mësipërme kushtetuese dhe ligjore, të cilat kanë të bëjnë me pamundësinë (papërshtatshmërinë) për t’u kandiduar për deputet në zgjedhjet e përgjithshme, si dhe me mbarimin apo pavlefshmërinë e mandatit të deputetit, si pasojë e dënimit me burgim për kryerjen e veprave penale, nuk duhen parë si qëllim në vetvete. Në thelb, këto norma nuk kanë synim parësor ndëshkimin e individëve të caktuar duke ua pamundësuar atyre ushtrimin e funksionit të deputetit, por kanë si qëllim themelor mbrojtjen e integritetit kushtetues dhe besueshmërisë qytetare në organin ligjdhënës, si shtyllë e demokracisë parlamentare.

• Gjykata konsideron se besueshmëria qytetare në Kuvendin e Republikës së Kosovës cenohet nëse – pavarësisht ndalesave që vë neni 71 i Kushtetutës në ndërlidhje me nenin 29.1 (q) të Ligjit për Zgjedhjet e Përgjithshme – lejohet që mandatin e deputetit ta fitoj dhe ta ushtroj një person që është dënuar për vepër penale, me vendim gjyqësor të formës së prerë të vlefshëm në Republikën e Kosovës.

• Në lidhje me këtë, Gjykata sjellë në vëmendje Raportin e Komisionit të Venecias, i cili thekson se “ligjshmëria është element i Sundimit të Ligjit dhe nënkupton që ligji duhet të respektohet nga individët dhe autoritetet. Ushtrimi i funksionit politik nga personat të cilët kanë shkelur ligjin në mënyrë serioze vendos në rrezik zbatimin  e këtij parimit [sundimit të ligjit], që është njëri nga parakushtet e demokracisë, dhe për këtë arsye rrezikon natyrën demokratike të shtetit”. (Shih Raportin e Komisionit të Venecias për Përjashtimin e Kryerësve të Veprave të Paligjshme nga Parlamenti, CDL-EL(2015)026, i 23 nëntorit 2018, paragrafi 168).
• Në këtë frymë, Gjykata vlerëson se është kërkesë e qartë kushtetuese e mishëruar në nenin 71.1 në ndërlidhje me nenin 70.3 (6) të Kushtetutës, se është e papajtueshme me Kushtetutën që një person ta fitoj dhe mbaj mandatin e deputetit nëse është i dënuar për vepër penale, me vendim gjyqësor të formës së prerë, siç është përcaktuar me këto dispozita. Kjo kërkesë përforcohet me nenet 29 dhe 112 të Ligjit për Zgjedhjet e Përgjithshme, si dhe nenin 8.1.6 të Ligjit për të Drejtat dhe Përgjegjësitë Deputetit.

1. Më tutje, Gjykata thekson se fakti që neni 70.3 (6) i Kushtetutës, neni 8.1.6 i Ligjit për të Drejtat dhe Përgjegjësitë e Deputetit dhe neni 112.1 (a) i Ligjit për Zgjedhjet e Përgjithshme i referohen dënimit të deputetit (pra dënimit pasi ai ta ketë fituar mandatin), është reflektim i prezumimit se neni 29.1 (q) i Ligjit për Zgjedhjet e Përgjithshme, i cili mbështetet në nenin 71.1 të Kushtetutës, nuk lejon që një person i dënuar me burgim gjatë tri viteve të fundit para zgjedhjeve të kandidoj për deputet dhe të fitoj mandatin e deputetit.

1. Rrjedhimisht, duke u bazuar në gjuhën e qartë të nenit 71.1 të Kushtetutës në ndërlidhje me nenin 29.1 (q) të Ligjit për Zgjedhjet e Përgjithshme, si dhe nënparagrafit 6 të paragrafit 3 të nenit 70 të Kushtetutës, Gjykata konsideron se asnjë person nuk mund të fitoj dhe mbaj mandat të vlefshëm të deputetit nëse është i dënuar për vepër penale sikurse parashihet me këto dispozita, me vendim gjyqësor të formës së prerë, nëse kundër tij/saj ka një vendim dënues që është në fuqi në Republikën e Kosovës.

1. Gjykata vëren sqarimin e KQZ-së se sipas Aktgjykimit AA.-Uzh.nr.16/2017, të 19 shtatorit 2017 të Gjykatës Supreme, “askujt nuk mund t’i mohohet e drejta për të garuar në zgjedhje, nëse një e drejtë e tillë nuk i është hequr me vendim gjyqësor, e që don të thotë, se kandidati duhet me vendim të formës së prerë, të shpallet fajtor dhe gjykata, t’i ketë shqiptuar dënimin plotësues “heqjen e të drejtës për tu zgjedhur”.

1. Megjithatë, Gjykata konsideron se Ligji për Zgjedhjet e Përgjithshme nuk kërkon që personave të dënuar për vepra penale t’iu shqiptohet medoemos si dënim plotësues “heqja e të drejtës për t’u zgjedhur”, në mënyrë që ata të mos lejohen të kandidojnë në zgjedhje parlamentare. Kjo meqë, sipas nenit 29.1 të Ligjit për Zgjedhjet e Përgjithshme, ndër të tjera, parashihen edhe këto dy baza: (i) heqja e të drejtës për të qenë kandidat në zgjedhje me vendim të PZAP-it dhe gjykatës; si dhe (ii) pamundësia për të qenë kandidat për shkak të shpalljes fajtor për një vepër penale me një vendim përfundimtar të gjykatës në tri vitet e fundit. Këto janë baza të ndryshme/të ndara që shkaktojnë pamundësinë/papërshtatshmërinë për të qenë kandidat. Gjykata është e mendimit se ky interpretim përputhet edhe me leximin e ndërlidhur të neneve 45, 55 dhe 71 të Kushtetutës.

1. Gjykata konsideron të rëndësishme të vë në dukje se kandidimi në zgjedhje parlamentare i Etem Arifit, zgjedhja e tij si deputet dhe ushtrimi i mandatit të deputetit – të gjitha këto pasi që ai ishte dënuar me një vit e tre muaj burgim, me vendim gjyqësor të formës së prerë – shpërfaqë ekzistimin e paqartësisë normative dhe të metave serioze në mekanizmat institucional të Republikës së Kosovës, që janë kompetent për të garantuar ligjshmërinë dhe integritetin kushtetues të proceseve zgjedhore dhe veprimtarisë parlamentare.  Kjo paqartësi është e dukshme edhe në përgjigjet që janë dhënë nga trupat përkatës të Kuvendit dhe nga KQZ-ja.  

1. Në lidhje me këtë, Gjykata potencon nevojën që Kuvendi i Republikës së Kosovës me komisionet e tij, në bashkëveprim me institucionet gjegjëse, duke përfshirë edhe KGJK-në dhe KQZ-në, të qartësojnë dhe konsolidojnë bashkëpunimin ndër-institucional dhe aspektet normative që kanë të bëjnë me kandidimin në zgjedhje parlamentare dhe ushtrimin e mandatit të deputetit, nga ana e personave të dënuar për vepra penale.

1. Kjo është e domosdoshme për të shmangur situatat paradoksale, nga këndvështrimi kushtetues, ku një person, pasi është dënuar me vendim gjyqësor të formës së prerë sikurse parashihet me nenet përkatëse të Kushtetutës dhe ligjeve, i lejohet të kandidojë në zgjedhje parlamentare, të zgjedhet deputet, t’i verifikohet mandati, si dhe të vazhdojë të ushtrojë funksion e deputetit në Kuvendin e Republikës së Kosovës, madje edhe gjatë vuajtjes së dënimit me burgim. Ndërkohë që Kushtetuta dhe ligjet përkatëse vënë barriera të qarta normative për të mos lejuar personat e dënuar me burgim për kryerjen e veprave penale, që të zgjedhën deputet dhe të ushtrojnë mandatin e deputetit.

1. Për sa i përket zgjedhjes së Qeverisë, Gjykata thekson se në mënyrë që Qeveria të zgjedhet, konform paragrafit 3 të nenit 95 të Kushtetutës, “për” Qeverinë duhet të votojnë të paktën gjashtëdhjetë e një (61) deputetë të Kuvendit. Në rastin konkret, sipas dokumenteve zyrtare të Kuvendit, Gjykata vëren se më 3 qershor 2020,  gjashtëdhjetë e një (61) deputetë kishin votuar “për” Qeverinë, gjegjësisht për vendimin e kontestuar. Për miratimin e Vendimit të kontestuar kishte votuar edhe Etem Arifi. Pasi Gjykata gjeti se mandati i Etem Arifit kishte qenë i pavlefshëm para votimit të Vendimit të kontestuar, ai Vendim kishte marrë vetëm gjashtëdhjetë (60) vota të vlefshme. Për pasojë, procedura për të zgjedhur Qeverinë nuk është zhvilluar në përputhje me paragrafin 3 të nenit 95 [Zgjedhja e Qeverisë] të Kushtetutës, sepse Qeveria nuk ka marrë shumicën e votave të të gjithë deputetëve të Kuvendit të Republikës së Kosovës.

1. Gjykata vë në pah se neni 95 i Kushtetutës, siç është interpretuar përmes praktikës së saj gjyqësore, parasheh dy tentativa për zgjedhur Qeverinë nga Kuvendi. Në të dyja rastet, Qeveria për t’u konsideruar e zgjedhur duhet të këtë shumicën e votave të të gjithë deputetëve të Kuvendit, përkatësisht gjashtëdhjetë e një (61) vota. Nëse as pas tentimit të dytë nuk zgjedhet Qeveria, neni 95.4 i Kushtetutës parasheh shpalljen e zgjedhjeve nga ana e Presidentit të Republikës së Kosovës.

• Gjykata rikujton që Qeveria e votuar përmes Vendimit nr. 07/V-014 të Kuvendit të 3 qershorit 2020 është bazuar në Dekretin e Presidentit nr. 24/2020, të datës 30 prill 2020, të nxjerrë bazuar në paragrafin 4 të nenit 95 të Kushtetutës, përkatësisht në tentativën e dytë për zgjedhjen e Qeverisë. Në lidhje me këtë, Gjykata rikujton interpretimin e dhënë në Aktgjykimin KO72/20 ku kishte theksuar se “zgjedhjet do të jenë të pa evitueshme në rast të dështimit të zgjedhjes së Qeverisë edhe në tentativën e dytë, […] me ç’rast, bazuar në paragrafin 4 të nenit 95 të Kushtetutës, Presidenti shpall zgjedhjet, të cilat duhet të mbahen jo më vonë se dyzet (40) ditë nga dita e shpalljes së tyre”.

• Në dritën e kësaj, Gjykata thekson se në rastin konkret vihet në lëvizje paragrafi 4 i nenit 95 të Kushtetutës, sipas të cilit Presidenti i Republikës së Kosovës shpall zgjedhjet, të cilat duhet të mbahen jo më vonë se dyzet (40) ditë nga dita e shpalljes së tyre.

• Gjykata e konsideron të rëndësishme të theksoj se është e vetëdijshme se Etem Arifi ka marrë pjesë edhe në procedura të tjera votuese në Kuvend, edhe pasi ai nuk kishte mandat të vlefshëm. Megjithatë, duke u mbështetur në parimin non ultra petita (“jo përtej kërkesës”), Gjykata kufizohet në vlerësimin e kushtetutshmërisë së aktit të kontestuar më kërkesën e paraqitur para saj, gjegjësisht Vendimit nr. 07/V-014, të Kuvendit të Republikës së Kosovës, përkitazi me Zgjedhjen e Qeverisë së Republikës së Republikës së Kosovës.

• Gjykata e sheh të nevojshme që të sqarojë po ashtu se, duke u nisur nga parimi i sigurisë juridike, si dhe nga fakti se ky Aktgjykim nuk mund të ketë efekt prapaveprues, vendimet e Qeverisë aktuale mbeten në fuqi, si dhe Qeveria mbetet në detyrë deri në zgjedhjen e Qeverisë së re.

PËR KËTO ARSYE

Gjykata Kushtetuese, në mbështetje të nenit 113, paragrafi 5, të Kushtetutës, neneve 42 dhe 43 të Ligjit për Gjykatën Kushtetuese dhe në mbështetje të rregullave 59 (1) dhe 72 të Rregullores së punës, njëzëri

VENDOS

1. TË SHPALLË kërkesën të pranueshme;

1. TË KONSTATOJË se, në bazë të nenit 71.1 të Kushtetutës të Republikës së Kosovës, në ndërlidhje me nenin 29.1 (q) të Ligjit për Zgjedhjet e Përgjithshme, personi i dënuar për vepër penale me një vendim gjyqësor të formës së prerë në tri (3) vitet e fundit, nuk mund të jetë kandidat për deputet e as të fitoj mandat të vlefshëm në Kuvendin e Republikës së Kosovës;

1. TË KONSTATOJË se, Vendimi nr. 07/V-014 i Kuvendit të Republikës së Kosovës për Zgjedhjen e Qeverisë së Republikës së Kosovës, i 3 qershorit 2020, nuk është në pajtueshmëri me paragrafin 3 të nenit 95 [Zgjedhja e Qeverisë] të Kushtetutës, sepse Qeveria nuk ka marrë shumicën e votave të të gjithë deputetëve të Kuvendit të Republikës së Kosovës;

1. TË KONSTATOJË se, marrë parasysh se Qeveria nuk është zgjedhur sipas paragrafit 3 të nenit 95 [Zgjedhja e Qeverisë] të Kushtetutës, atëherë mbështetur në paragrafin 4 të nenit 95 [Zgjedhja e Qeverisë] të Kushtetutës, Presidenti i Republikës së Kosovës shpall zgjedhjet, të cilat duhet të mbahen jo më vonë se dyzet (40) ditë nga dita e shpalljes së tyre;

• TË KONSTATOJË se, ky Aktgjykim nuk ka efekt prapaveprues dhe mbështetur në parimin e sigurisë juridike vendimet e Qeverisë mbeten në fuqi, si dhe Qeveria mbetet në detyrë deri në zgjedhjen e Qeverisë së re;

Mungesa e punësimit i ka detyruar djemtë e Elbasanit të vetëpunësohen nëpërmjet rrjeteve sociale.

Si funksionon?

DJALI X: Shqip mund të quhet mashtrim. Që do të thotë, krijo një profil të një vajze dhe përdor imazhin e saj, foto, video e cila mund të jetë dhe modele. Më pas çunat që janë me profile vajzash shpërndajnë profilet e njëri-tjetrit, nga aty meshkuj nga e gjithë bota të çojnë ftesa. Qëllimi kryesorë që ti paguhesh  është se personi që ty të shkruan, duhet ta bindesh të plotësojë të dhënat e tij tek linku i kompanisë që dërgon. Nëse personi arrin ta bëjë këtë pjesë atëherë kompania ty të jep nga 1-14 dollarë kjo varet se nga cili shtet është “bindësi”.

GAZETARJA: Ndërkohë ti ke hapur një llogari bankare?

DJALI X: Po duhet me patjetër.

GAZETARJA: Sa djem merRen me këtë punë?

DJALI X: Nga komunikimi që kam pas me menaxheren e kompanisë  më ka thënë që në Shqipërinë e mesme rreth 15 mijë persona janë të punësuar.

GAZETARJA: Sa të ardhura siguron ti në muaj?

DJALI X: Minimalja është 30 dollarë dita, deri në 100 dollarë në ditë.

GAZETARJA: Ti djalit i dërgon foto intime të një vajze. Po ai të dërgon foto të tilla?

DJALI X: Sigurisht që po. Faktikisht kjo është pak e bezdisshme, por na është kthyer si rutinë. Kur sheh që llogaria jote mbushet nuk të bën më përshtypje.

GAZETARJA: Çfarë bisede bëni ju më këto persona?

DJALI X: Siç nis njohja mes djalit dhe vajzës. Djali qëllimin e ka t’i shkruaj një femër, por duke përdor mendjen e një çuni ti arrin ta çosh atë më kollaj tek kompania. Ne zakonisht punojmë me mesazhe automatike. Biseda bëhet në gjuhën angleze pasi e njeh e gjithë bota.

GAZETARJA: Më the që mesazhet janë automatike  i ke përgatitur para. Kaq të parashikueshëm janë djemtë?

DJALI X: Djemtë nuk janë të parashikueshëm, por kur flasin me një femër gjysmë nudo po.

GAZETARJA: Përfundimisht djemtë e Elbasanit janë më të kërkuarit

DJALI X: Nuk janë djemtë e Elbasanit më të kërkuarit nga djemtë e Evropës, ata e dinë që flasin me vajza. Tani ju gjykojeni si të doni. Është formë jeese!

GAZETARJA: A bën një punë të dytë?

DJALI X: Pse të bëj unë një punë të dytë kur fitoj 1 mln lekë të muaj. Kaq më mjaftojnë, pse të lodhëm.

Top Channel

 Banka Qendrore e Kosovës [Centralna Banka Kosova; Central Bank of Kosovo; Zentralbank Kosovo) - Banka Qendrore e Republikës së Kosovës (BQK) është subjekt juridik publik bazuar në nenet 11 dhe 140 të KRK dhe Ligjit për Bankën Qendrore të Republikës së Kosovës. Funksionet dhe objektivat kryesore të BQK janë të nxisë dhe të mbajë një sistem financiar stabil, duke përfshirë një sistem të sigurt, të qëndrueshëm dhe efikas të pagesave; të kontribuojë në arritjen dhe ruajtjen e stabilitetit të çmimeve vendore; të mbështesë politikat e përgjithshme ekonomike të Qeverisë; vepron në pajtim me parimin e ekonomisë së tregut të hapur me konkurrencë të lirë, duke favorizuar shpërndarjen efikase të resurseve financiare (neni 7 i Ligjit për Bankën Qëndrore). BQK ka autonomi administrative, financiare dhe menaxhuese. BQK nuk do të regjistrohet në regjistrin e bizneseve. BQK është pasardhëse e Autoritetit Qendror Bankar të Kosovës.

 

Alotmani [Alotman; Allotment; Reisevermittlungsvertrag] - Alotmani paraqet një kontratë e detyrimeve, e cila ka për bazë dhe objekt angazhimin e kapaciteteve të hotelerisë. Me kontratën për alotmanin detyrohet hotelieri që gjatë kohës së caktuar t’i vë në dispozicion të klientëve shërbime të caktuara hoteliere personave që i dërgon agjencia turistike dhe t’i paguajë provizion të caktuar, kurse kjo detyrohet të paguajë çmimin e shërbimeve të bëra në qoftë se ka shfrytëzuar angazhimin e kapaciteteve të hotelit. Kjo kontratë është kontratë formale dhe duhet të lidhet në formën me shkrim (neni 906 në vazhdim i LMD)

 

Një ditë profesori hyri në klasë dhe u kërkoi studentëve të përgatiten për një provim të befasishëm.

Ata pritën me ankth në tavolinat e tyre për të filluar provimin. Profesori ecte rreth klasës teksa u dorëzonte fletat e provimit me tekstin e kthyer poshtë.

Sapo ua dorëzoi të gjithëve, ai u kërkoi studentëve të tij ta kthenin fletën dhe të fillonin.

Fleta e Provimit

Për habinë e të gjithëve, nuk kishte pyetje, por vetëm një pikë të zezë në qendër të faqes. Profesori lexoi tërësisht shprehjet e hutuara të të gjithëve dhe tha:

“Unë dua që ju të shkruani se çfarë shihni aty”.

Studentët e hutuar filluan të bënin atë që atyre iu kërkua.

Në fund të leksionit, profesori mori të gjitha fletat me përgjigjet dhe filloi të lexonte secilën prej tyre me zë të lartë para të gjithë studentëve. Të gjithë pa asnjë përjashtim përshkronin pikën e zezë, duke u përpjekur për të shpjeguar pozicionin e saj në mes të fletës, etj.

Pasi të gjitha përgjigjet ishin lexuar, klasa mbeti në heshtje ndërsa profesori filloi të shpjegojë:

“Unë nuk do t’ju vlerësoj me notë në këtë provim! Doja thjesht t’ju jepja diçka për të cilën të mendoheni thellë. Askush nuk shkroi për pjesën e bardhë të fletës. Secili prej jush u përqëndrua në pikën e zezë dhe e njëjta gjë ndodh edhe në jetën tonë.

Kjo është pikërisht ajo që përfundojmë duke bërë me jetën tonë. Ne kemi një letër të bardhë për të mbajtur dhe për ta shijuar, por ne jemi kaq të zënë duke menduar rreth pikave të errëta që ndodhen atje.

Jeta jonë është një dhuratë e veçantë që na është dhënë me dashuri dhe përkujdesje. Ne gjithmonë kemi arsye për të festuar. Natyra që rinovon veten çdo ditë, miqtë tanë rreth nesh, puna që na siguron jetesën tonë, dashuria, familja, mrekullitë që shohim çdo ditë.

Megjithatë ne insistojmë të përqendrohemi vetëm në pikat e errëta: problemet shëndetësore që na shqetësojnë, paratë që duam të kemi, luksin që nuk e kemi, ndërlikimet në marrëdhënien me një anëtar të familjes, zhgënjimin nga një mik dhe kështu me radhë.

Pikat e errëta janë shumë të vogla krahasuar me gjithçka kemi në jetën tonë, por ato janë të parat që ndotin mendjet tona. Largojini sytë nga pikat e errëta në jetën tuaj. Gëzojuni çdo bekimi në jetën tuaj, çdo momenti që jeta ju jep!

Jini të lumtur dhe jetojeni jetën pozitivisht!

Ashtu siç po e shpjegonte profesori, jeta është një shportë me gjëra të mira dhe të këqija. Ne të gjithë përjetojmë ngjarje pozitive dhe negative në jetët tona, por ne duhet të përqendrohemi gjithmonë më së shumti në gjërat pozitive për një jetë të lumtur dhe të shëndetshme.

Jeta vazhdon pavarësisht gjithçkaje, ndaj mos e çoni kohën dëm duke menduar mbi gjërat negative!

 

Njerëzit ndikohen shumë nga njëri-tjetri. Kjo është arsyeja pse një buzëqeshje në fytyrën e dikujt mund t’ju bëjë të ndiheni më mirë, apo pse qëndrimi negativ i një bashkëpunëtori mund të prishë ditën tuaj.

Në fakt, qëndrimet dhe sjelljet e njerëzve në botën përreth teje janë aq ndikuese saqë strategjia juaj më e mirë për të pasur sukses në jetë mund të jetë shmangia prej qaramanëve, ndjellësit e dramës, përgjëruesit dhe kokëfortët nga rrethi juaj.

Sidoqoftë, një lloj personaliteti tjetër ekziston, i cili është një bekim i vërtetë: individët që në jetë ecin me këmbë në tokë të cilët ti i njeh, pse ke nevojë për më shumë nga këta njerëz në jetën tënde, ose, të paktën pse duhet t’i vlerësoni ata që tashmë i keni.

Ata janë të palëkundur

Në mes të një krize, keni nevojë për njerëz që mund të jenë burim qetësie që i marrin gjërat shtruar dhe pa u panikuar, pa shfaqur stres ose në mënyrë tjetër të humbasin qetësinë e tyre. Një person me të vërtetë me këmbë në tokë ndihmon të tjerët duke demonstruar se çdo gjë që ndodh nuk është fundi i botës.

Ata janë të besueshëm

Kur bëhet fjalë për bashkëpunëtorët, partnerët dhe miqtë, gjërat shkojnë më mirë kur njerëzit shfaqen fiks atëherë kur dhe ku duhet. Ata nuk nxjerrin justifikime për të qenit vonë ose të paaftë, sepse nuk është mënyra se si ata sillen vetë. Në vend të kësaj, ata planifikojnë përpara në mënyrë që ata të jenë në gjendje t’i përmbushin angazhimet e tyre në kohë dhe sipas specifikimeve.

Ata posedojnë një busull morale të palëkundur

Këta nuk janë ata tipat e njerëzve që zgjohen në mëngjes duke u penduar për budallallëqet që bënë një natë më parë. Njerëzit me këmbë në tokë bëjnë që ata përreth tyre të shohin një standard më të lartë.

Ata janë të përunjur

Njerëzit që me të vërtetë jetojnë me këmbë në tokë nuk ndiejnë nevojë për t’u bërë përshtypje të tjerëve. Kjo është e kundërta e atyre që do t’i bjerrin energjitë tuaja ndërsa ju filtroni mendërisht vërtetësinë e akrobacisë së tyre verbale.

Ata kanë një vetëvlerësim të shëndetshëm

Pa qenë kokëfortë, këta tipa projektojnë një besim të qetë në aftësitë e tyre. Ky lloj i vetë-sigurimit i ndihmon ata të ndërmarrin rreziqe dhe të ndjekin mundësi, duke i bërë ata njerëz që ju dëshironi të ndiqni.

Ata nuk shqetësohen kot

Mendoni për shqetësimet më të mëdha që keni patur. Si ndiheni pasi dëgjoni perceptimet mbi to në lidhje me gjitha gjërat e tmerrshme që mund të shkojnë akoma mëkeq? Përkundrazi, njerëzit me këmbë në tokë e kuptojnë se çfarëdo që të ndodhë, ata mund t’i japin një zgjidhje. Ky qëndrim është një ngushëllim për të qenë rreth tyre.

Ata i dalin për Zot asaj që është e drejtë

Ata mbajnë qëndrime për çështje që kanë rëndësi, por e bëjnë këtë pa u shndërruar në predikues ose të egocentrikë. Në të njëjtën kohë, ata kuptojnë intuitivisht se për cilat beteja ia vlen të luftosh.

Ata nuk ‘përdridhen’ që njerëzit t’i pëlqejnë ata

Njerëzit që me të vërtetë jetojnë me këmbë në tokë nuk ndjehen të detyruar të ndjekin ose të bëjnë diçka jashtë tipit të tyre vetëm për të fituar pranimin nga të tjerët. Ata kanë tendencë të kenë bindjen e brendshme se nëse bëni diçka në mënyrën e duhur do të thotë ta bëni atë edhe vetëm, pa pritur miratimin e askujt.

Ata i shtyjnë të tjerët të arrijnë sukses

Njerëzit qe ecin në jetë me këmbë në tokë nuk kanë nevojë që gjithçka të vërtitet rreth tyre, ata kënaqen duke ndihmuar të tjerët të arrijnë potencialin e tyre të vërtetë. Këto janë llojet e miqve që ju nevojiten në jetën tuaj.

 INVICTUS : Uilliam Ernest Henli [William Ernest Henley]. Përkthyer nga

Me 26 dhjetor të këtij viti, bëhen 12 muaj që nga konstituimi i Legjislaturës së VII të Kuvendit të Republikës së Kosovës. Kjo Legjislaturë ka arritur të miratoj gjithsej vetëm 2 ligje deri më sot,  , Ligjin për parandalimin dhe luftimin e covid 19 dhe atë për rimëkëmbje ekonomike.

 Lista e angazhimeve të avokatëve sipas detyrës zyrtare - 16.11.2020 – 22.11.2020

SHKARKO LISTEN E ANGAZHIMEVE EX-OFFICIO

Listën e avokatëve për përfaqësimin në Polici, Prokurori, Gjykatë dhe ANJF e përbëjnë të gjithë avokatët që janë deklaruar dhe shprehin interesim për të përfaqësuar sipas detyrës zyrtare dhe ofrimin e ndihmës juridike falas në Agjencionin për Ndihmë Juridike Falas.

Lidhur me publikimin e listave të avokatëve të angazhuar në rastet sipas detyrës zyrtare, dhe çështje të tjera rreth këtyre angazhimeve, mund të kontaktoni Zyrën Koordinuese të Odës së Avokatëve të Kosovës.

 

Oda e Avokatëve të Kosovës

Rr: Bedri Pejani 31 Prishtinë, Kosovë

T&F: 038/244-586; 038/243-717,

Zyra Koordinuese e OAK-së

Mobil: 044/518-642;  -  044/876-686

e-mail: zyrakoordinuese@oak-ks.org