Udhëzues: Si të kundërshtoni një gjobë tatimore?
Mësimet kryesore nga praktika e fundit e Gjykatës Komerciale
Bazuar në praktikat e fundit gjyqësore të vitit 2025/2026, shumë gjoba administrative të lëshuara nga organet tatimore po anulohen në shkallë të dytë. Më poshtë gjeni hapat kritikë për të mbrojtur biznesin tuaj:
Verifikoni "Përkufizimin e Shkeljes"
Sigurohuni që dokumenti për të cilin jeni gjobitur (p.sh. Libri i Shitjes) kategorizohet saktësisht në ligj si dokument i detyrueshëm për atë lloj gjobe. Gjykata ka vendosur se organet tatimore nuk mund të zgjerojnë listën e dokumenteve përtej asaj që parashikon tekstualisht ligji.
Analizoni opsionet: "Me Shkrim" apo "Elektronike"?
Nëse legjislacioni përdor lidhëzën "OSE" (p.sh. librat mbahen me shkrim ose në formë elektronike), tatimpaguesi ka të drejtë të zgjedhë njërën nga format. Gjobat e lëshuara vetëm pse informata nuk gjendet në sistemin online janë të paligjshme nëse biznesi i posedon ato fizikisht.
Mungesa e Kontrollit Fizik
Një gjobë e lëshuar vetëm përmes verifikimit në distancë (nga zyra e inspektorit) pa një vizitë në terren për të kërkuar qasje në dokumentacionin fizik, konsiderohet procedurë e mangët dhe bazë e fortë për anulim të gjobës.
Kërkoni Rimbursimin me Interes E RE
Nëse e keni paguar gjobën për të shmangur bllokimin, në padi duhet të kërkoni jo vetëm kthimin e mjeteve, por edhe interesin bankar nga dita e pagesës deri në rimbursimin final nga Ministria e Financave.
⚠️ Kujdes me Afatet!
Mos harroni: Ju keni vetëm 30 ditë afat për të ushtruar padi në Gjykatën Komerciale pas pranimit të vendimit nga Departamenti i Ankesave të organit tatimore. Kalimi i këtij afati e bën gjobën të pakontestueshme.
