Dokumentacioni i nevojshëm për vazhdimin e regjistrimit të automjetit
DOKUMENTACIONI I NEVOJSHËM PËR VAZHDIMIN E REGJISTRIMIT TË AUTOMJETIT ËSHTË
- Certifikata e regjistrimit të automjetit, CRA.
- Certifikata e rregullsisë teknike e automjetit.
- Polica e sigurimit dhe dëshmia e pagesës në bankë, ndërsa për institucionet shtetërore dhe kompanitë publike nevojitet vetëm marrëveshja në mes të kompanisë dhe institucioneve (profaktura e sigurimit).
- Prezantimi i dokumentit të identifikimit të pronarit.
- Dëshmia mbi pagesat e taksave.
Kërkesa për vazhdimin e regjistrimit mund të bëhet maksimalisht pesëmbëdhjetë (15) ditë para kalimit të afatit të regjistrimit të mëparshëm.
Qendra e Regjistrimit të Automjeteve është e obliguar të bëj vazhdimin e regjistrimit të automjetit nga data e skadimit të afatit të regjistrimit.
Pas kalimit të afatit tridhjetë (30) ditë nga data e skadimit të regjistrimit të automjetit, pronari i automjetit është i detyruar të paguaj taksën administrative për çdo tridhjetë (30) ditë, ashtu siç është përcaktuar në vendimin për tarifa.
