REPUBLIKA E KOSOVËS/REPUBLIKA KOSOVA
1 (4)
2025:110990
Numri i lëndës: 2022:016429
Datë: 02.07.2025
Numri i dokumentit: 07479768
Kom.Dh.Shk.II.nr.640/25
GJYKATA KOMERCIALE E KOSOVËS, Dhomat e shkallës së dytë, me gjyqtar
individuale Faton Bajrami, në çështjen përmbarimore të kreditorit Ministria e Mjedisit,
Planifikimit Hapësinor dhe Infrastrukturës - Inspektorati i Mbrojtjes së Mjedisit, me seli në
Prishtinë, kundër debitorit N.T.P. Fidani-L, me NUI: 810215394, me seli në Baballoq, Deçan,
sipas autorizimit e përfaqëson Leutrim Syla, avokat nga Prishtina, në çështjen përmbarimore, për
shkak të borxhit në bazë të dokumentit përmbarimor, duke vendosur lidhur me ankesën e
debitorit, të ushtruar kundër aktvendimit të Gjykatës Komerciale, Dhomat e shkallës së parë,
Departamenti për Çështje Ekonomike KPPP.nr.1475/24 të datës 28.02.2025, më datën
02.07.2025, mori këtë:
 A K T V E N D I M
REFUZOHET si e pabazuar ankesa e debitorit N.T.P. Fidani-L, me seli në Baballoq,
Deçan, ndërsa aktvendimi i Gjykatës Komerciale, Dhomat e shkallës së parë, Departamenti për
Çështje Ekonomike KPPP.nr.1475/24 të datës 28.02.2025, VËRTETOHET.
 A r s y e t i m
Gjykata Komerciale, Dhomat e shkallës së parë, me aktvendimin e atakuar,
KPPP.nr.1475/24 të datës 28.02.2025, në dispozitiv e ka refuzuar si të pabazuar prapësimin e
debitorit të përmbarimit N.T.P. Fidani-L, me seli në Baballoq, Deçan, i ushtruar kundër urdhrit
për lejimin e përmbarimit numër P.nr.207/21 të datës 23.07.2021 i lejuar nga Përmbaruesi Privat
Shpend Ahmetaj, dhe ky urdhër përmbarimor mbetet në fuqi.
Ankesë ka paraqitur debitori, në afat ligjor debitori dhe atë për shkak të shkeljeve
esenciale të dispozitave të procedurës përmbarimore, konstatimit të gabuar të gjendjes faktike
dhe arsyetimit të aktvendimin , me propozimin që Gjykata Komerciale, Dhomat e shkallës së
dytë ta aprovoje në tërësi si të bazuar ankesën e debitorit , urdhri për lejimin e përmbarimit
P.nr.207/21 të datës 23.07.2021, të refuzohet si i pabazuar dhe jo i mbështetur në ligj dhe për
këtë çështje të vendoset ne kontest juridiko civil pranë Gjykatës Kompetente.
Përgjigje në ankesë nuk ka parashtruar kreditori.
Numri i lëndës: 2022:016429
Datë: 02.07.2025
Numri i dokumentit: 07479768
2 (4)
2025:110990
Gjyqtari individual i Gjykatës Komerciale – Dhoma e shkallës së dytë, i shqyrtoi shkresat
e lëndës, aktvendimin e atakuar dhe pretendimet ankimore, në kuptim të nenit 3 par.2 të Ligjit
nr.04/L-139 për procedurën përmbarimore si dhe në kuptim të nenit 194 të LPK-së, gjeti se:
Ankesa e debitorit është e pabazuar.
Nga shkresat e lëndës rezulton se kreditori, me datën 23.07.2021 ka paraqitur propozim
për përmbarim ndaj debitorit, në bazë të dokumentit përmbarimor- Aktvendimit Nr.20/INS-ZA23 të datës 11.11.2020 për pagesën e ndëshkimit të gjobës në lartës prej 5,000.00€, i cili është
dokument përmbarues në bazë të nenit 21 dhe 22 të Ligjit për Procedurës përmbarimorë.
Përmbaruesi Privat, me Urdhrin Përmbarimor P.nr.207/21 të datës 23.07.2021, ka caktuar
përmbarimin, duke vlerësuar se dokumenti përmbarimor Aktvendimit Nr.20/INS-ZA-23 të datës
11.11.2020, i plotëson kushtet për përmbarim.
Ndaj këtij urdhri ka paraqitur prapësim debitori, duke e kundërshtuar në tërësi urdhrin
për përmbarim, duke i propozuar Gjykatës që ta aprovoje prapësimin e debitorit si të bazuar dhe
të shfuqizoje urdhrin përmbarimor në tërësi.
Përgjigjen në prapësim ka parashtruar kreditori ndaj prapësimit të debitorit, duke i
propozuar gjykatës që ta refuzoje prapësimin e debitorit si të pabazuar në tërësi dhe urdhrin
përmbarimor P.nr.207/21 të datës 23.07.2021 të mbetet në fuqi.
Gjykata Komerciale e Kosovës – Dhomat e shkallës së parë, me aktvendimin e atakuar
KPPP.nr.1475/24 të datës 28.02.2025, në dispozitiv e ka refuzuar si të pabazuar prapësimin e
debitorit të përmbarimit N.T.P. Fidani-L, me seli në Baballoq, Deçan, i ushtruar kundër urdhrit
për lejimin e përmbarimit numër P.nr.207/21 të datës 23.07.2021 i lejuar nga Përmbaruesi Privat
Shpend Ahmetaj, dhe ky urdhër përmbarimor mbetet në fuqi.
Në arsyetim të aktvendimit të atakuar ka theksuar se pas analizimit të propozimit për
përmbarim e konteston se i njëjti është lejuar mbi bazën e dokumentit përmbarimor Aktvendimit
Nr.20/INS-ZA-23 të datës 11.11.2020 për pagesën e ndëshkimit të gjobës në lartës prej
5,000.00€. Po ashtu, Gjykata e shkallës së parë ka theksuar se në rastin konkret, në bazë të
cila është lejuar urdhri për përmbarim i cili është bërë i plotfuqishëm dhe i ekzekutueshëm me
datën 03.12.2020, i plotëson kushtet e parapara me nenin 21 dhe 22 të LPP-së.
Vlerësimin dhe qëndrimin juridik të gjykatës së shkallës së parë, Dhoma e Shkallës së
Dytë e Gjykatës Komerciale, e aprovon si të rregullt dhe të ligjshëm, për arsye se aktvendimi i
atakuar nuk është përfshirë me shkelje thelbësore të dispozitave të procedurës kontestimore nga
neni 182 paragrafi 2, pika b), g), j), k) dhe m), të LPK-së, dhe se drejtë është zbatuar e drejta
materiale, e të cilat shkaqe ankimore gjykata e shkallës së dytë, në bazë të nenit 194 të LPK-së,
i vlerëson edhe sipas detyrës zyrtare.
Gjykata Komerciale – Dhoma e shkallës së dytë nuk i ka pranuar pretendimet ankimore
për shkelje të dispozitave të ligjit të procedurës përmbarimore, pasi që gjykata e shkallës së parë
duke vlerësuar drejtë provat të cilat i ka pasur në dispozicion në shkresat e lëndës të ofruara nga
ndërgjyqësit, ka vendosur drejtë në dispozitiv të aktvendimit, duke dhënë arsye përkatëse në
pjesën arsyetuese të aktvendimit të atakuar dhe drejtë ka aplikuar edhe Ligjin e Procedurës
Përmbarimore.
Numri i lëndës: 2022:016429
Datë: 02.07.2025
Numri i dokumentit: 07479768
3 (4)
2025:110990
Kjo gjykate vlerëson se ne rastin konkret Aktvendimit Nr.20/INS-ZA-23 të datës
11.11.2020 për pagesën e ndëshkimit të gjobës në lartës prej 5,000.00€, i plotfuqishëm dhe i
ekzekutueshëm me datën 03.12.2020, në bazë të së cilës është lejuar urdhri për përmbarim ,i
plotëson kushtet për të qene dokument përmbarimor me titull ekzekutiv, sepse i përmban të gjitha
elementet e kërkuara në përputhje me nenin 21 dhe 22 të LPP-së.
Gjykata Komerciale, Dhomat e shkallës së dytë, vlerëson se dokumenti mbi të cilin është
lejuar përmbarimi , Aktvendimi i Doganës së Kosovës, përben bazën juridike për caktimin e
përmbarimit, pasi që paraqet titull ekzekutiv sipas nenit 21 të Ligjit për Procedurën
Përmbarimore, në të cilin përcaktohet se “ Organi përmbarues e cakton, përkatësisht e zbaton
përmbarimin vetëm në bazë të dokumentit përmbarues (titulus executionis) dhe dokumentit të
besueshme, po qe se me këtë ligj nuk është parashikuar diçka tjetër” dhe nenit 22 par.1 pika 1.2
të LPP-së, me të cilin përcaktohen dokumentet përmbaruese siç janë “Vendimi përmbarues i
dhënë në procedurë administrative dhe aktpajtimi”. Gjithashtu sipas nenit 27 par. 1 të LPP-së
përcakton se “Dokumenti përmbarimor është i përshtatshëm për përmbarim në qoftë se në të
është treguar kreditori dhe debitori, si dhe objekti, mjetet, shuma dhe koha e përmbushjes së
detyrimit”, pra janë treguar kreditori, debitorit, objekti, mjetet, shuma dhe koha e përmbushjes
së detyrimit. Në rastin konkret Aktvendimit Nr.20/INS-ZA-23 të datës 11.11.2020 për pagesën
e ndëshkimit të gjobës në lartës prej 5,000.00€, i plotfuqishëm dhe i ekzekutueshëm me datën
03.12.2020, pra përmbanë edhe elementet nga neni 36 par.1 të LPP-së ku përcakton se “Së
bashku me propozimin për përmbarim, organit përmbarues i dorëzohet edhe dokumenti
përmbarues, origjinal apo kopje e vërtetuar, me klauzolën e përmbarueshmëris për
përmbarueshmëri “. Në këtë rast i përmban elementet e një vendimi të organit administrativ ,
dhe se e ka cilësinë e dokumentit përmbarues sipas nenit 21, 22, 27 par. 1 dhe 36 par.1, LPP-së.
Andaj, Gjykata Komerciale – dhoma e shkallës së dytë vlerëson së gjykata e shkallës së
parë drejte ka vendosur kur e ka refuzuar në tërësi prapësimin e debitorit, me arsyetimin se në
bazë të shkresave të lendes rezulton se vendimi mbi të cilin përmbaruesi privat e ka lejuar urdhrin
përmbarimor të debitorit me konkret Aktvendimit Nr.20/INS-ZA-23 të datës 11.11.2020 për
pagesën e ndëshkimit të gjobës në lartës prej 5,000.00€, i plotfuqishëm dhe i ekzekutueshëm me
datën 03.12.2020, paraqet dokument përmbarimor në kuptim të dispozitave të LPP-së, për shkak
se përmban vulën e ekzektueshmëris dhe plotfuqishmërisë, si dhe vendimi mbi bazën e të cilit
është nxjerrë urdhri përmbarimor i plotëson kushtet në kuptim të nenit 22 par.1 të Ligjit për
Procedurën Përmbarimor.
Dhoma e shkallës së dytë e Gjykatës Komerciale, i vlerësoi të gjitha pretendimet
ankimore të debitorit por të njëjtat nuk ishin me ndikim për një vendim ndryshe, për çka vendosi
si në dispozitiv të këtij aktvendimi. Nëse pala debitorë për çfarëdo rrethane apo arsye pretendon
se pala kreditore ka mundur ti shkaktohet apo mund ti shkaktohet çfarëdo lloji dëmi më rastin e
mos kryerjes së përmbarimit sipas kësaj lënde, nuk ka pengesa ligjore që lidhur më këtë të drejtën
e tij ta realizoj në kontest të rregullt pranë gjykatës kompetente.
Andaj, duke marr parasysh pretendimet ankimore, të cilat konsistojnë ndaj aktvendimit
të ankimuar, gjykata e shkallës se dytë konsideron se këto pretendimet ankimore janë të
pabazuara, ngase nuk kemi të bëjmë me shkelje thelbësore të dispozitave të Ligjit të Procedurës
Kontestimore, të cilat shkelje kjo gjykatë i vështron sipas detyrës zyrtare në kuptim të nenit 194
të LPK-së, dhe as të Ligjit të Procedurës Përmbarimore. Andaj me të drejtë gjykata e shkallës
Numri i lëndës: 2022:016429
Datë: 02.07.2025
Numri i dokumentit: 07479768
4 (4)
2025:110990
se parë e ka refuzuar prapësimin e debitorit dhe e ka lënë në fuqi urdhrin për caktimin e
përmbarimit të Përmbaruesit Privat, P.nr.207/21 të datës 23.07.2021.
Nga të gjitha arsyet e paraqitura e në pajtim me dispozitat e nenit 208 dhe 209 paragrafi
1 pika b) të LPK-së lidhur me nenin 17 të LPP-së, u vendos si në dispozitiv të këtij aktvendimi.
 GJYKATA KOMERCIALE E KOSOVËS
 Dhoma e shkallës së dytë
 Kom.Dh.Shk.II.nr.640/25 dt.02.07.2025

 Gjyqtar,
 Faton Bajrami